У гэтым годзе на Палессі з’явіліся трансгранічныя водныя інспектары . Гэта школьнікі з памежных раёнаў Беларусі і Украіны, якія сочаць за станам малых рэк Прыпяці. На працягу лістапада і снежня хлопцы і дзяўчаты разам прыбраюць берагі рэк і робяць гідрахімічны аналіз вады. За гэты час ужо 200 школьнікаў і школьніц з 14 вёсак Пінскага (Беларусь) і Любешоўскага (Украіна) раёнаў наведалі адзін аднаго і правялі кампаніі па маніторынгу і ачыстцы рэк.
![](https://scontent-ams3-1.xx.fbcdn.net/v/t1.0-9/40258782_881257598730273_8074098608749674496_n.jpg?_nc_cat=104&_nc_ht=scontent-ams3-1.xx&oh=395d89a0e0beb3ceee15c32566abe436&oe=5CAB618C)
А 8-га снежня з адукацыйным візітам футбольны клуб «Луч» наведае Пінск. Для водных інспектароў з беларускага Пагост-Загародскага і украінскіх Ветлаў футбалісты юніорскага складу правядуць трэніроўку. Пасля гульні дзяўчаты і хлопцы разам паедуць у Пагост-Загародскі, дзе разам з гульцамі юніорскай каманды «Луч» дапамогуць прыбраць бераг ракі Бобрык і навучацца рабіць гідрахімічны аналіз вады. Запрашаем далучыцца да нас!
Трэніроўка распачнецца а 12 гадзіне у Пінскай дзіцяча-юнашаскай спартовай школе па адрасе вул. Пушкінская, 33А. Каб далучыцца да нас, калі ласка, напішыце на адрас liashkevich@eu-belarus.net да чацвярга 6 снежня 2018 года уключна.
![Юныя футбалісты «Луча» прымуць удзел у сумеснай трэніроўцы са школьнiкамi з Пінску i Украіны](http://www.fc-luch.by/media/k2/items/cache/ac9eaae1d1c1dba787e6549c691345ac_L.jpg)
Юныя футбалісты «Луча» прымуць удзел у сумеснай трэніроўцы са школьнiкамi з Пінску i Украіны
Мерапрыемства адбываецца ў межах праекта Трансгранічныя водныя інспектары. Ён сафінансуецца Еўрапейскім саюзам у межах Праграмы супрацоўніцтва краін Усходняга партнёрства.
Над праектам працуюць Пінскі раённы выканаўчы камітэт і Фонд “Інтэракцыя” з беларускага боку ды Любешоўская грамадска-экалагічная арганізацыя Свет вакол нас ды Аддзел адукацыі, моладзі і спорта Любешоўскай раённай дзяржаўнай адміністрацыі.
Змест дадзенай публікацыі з’яўляецца прадметам выключнай адказнасці Мясцовага фонда развіцця міжнароднага дыялога і супрацоўніцтва “Інтэракцыя” і ніякім чынам ня можа адлюстроўваць афіцыйнай пазіцыі Еўрапейскага саюза.